#Kinderlieder_Nicole

Beim Bimperlwirt, beim Bamperlwirt (1. Besuch)

Beim Bimperlwirt, beim Bamperlwirt, do is guat lustig sei
Do kehrn heit, ja, do schau her, ganz schräge Viecher ei


Bimperl, Bamperl, sabradix!
Doch da Wirt, der denkt si nix!
Bimperl, Bamperl saxndi!
Geh her und hau Di hi!


Beim Bimperlwirt, beim Bamperlwirt, do staunt da Wirt fei scho
Weil des Kamel a ganzes Fass auf Ex austrinka ko

Beim Bimperlwirt, beim Bamperlwirt, da sitzt a stolzer Pfau
Er is a bisserl irritiert, vor eahm do sitzt a Sau

Beim Bimperlwirt, beim Bamperlwirt, de Sau schreit: I hob Durscht!
Was darfs denn sein, ein Bier, ein Wein? – Ach, des is mir wurscht!

Beim Bimperlwirt, beim Bamperlwirt, a Henna und a Hahn
Bstelln a Leitungswasser nur, weils auf an Urlaub sparn

Beim Bimperlwirt, beim Bamperlwirt, do werd heit laut gelacht
Weil a Weps im Limoglas grad einen Schwimmkurs macht

Beim Bimperlwirt, beim Bamperlwirt, do sitzt am Tisch a Fisch
Er riacht a bisserl streng, er is nimma so ganz frisch


Beim Bimperlwirt, beim Bamperlwirt, zwoa Fackerl mit’m Wamperl
Des oane, des hoaßt Bimperl, des ander des hoaßt … Boris!
Und aus is und gor is und guat is, dass ‘s wohr is!